Agur esateko momentua

Jadanik udaren presentzia nabaritzen hasia dela, ikasturtea bere amaierara dator. Gauzak horrela, blog-a ixteko momentua iritsi da. Besarkada handi bat, laister arte.

Publizitate sexistaren adibide zehatz bat

Blog-era ekartzen dudan publizitate sexistaren adibidea "Axe" markarena da. Duela urte batzuk enpresa honek "marcales el camino" deitutako kanpaina bat burutu zuen. Honek izugarrizko salaketak jaso zituen emakumeen eskubideak defendatzen dituzten elkarteengatik. Kasu honetan, salaketa horiek guztiz merezituak dira.

Iragarki honetan Emakundek publizitate sexista igartzeko dauzkan irizpideak erabiliko bagenituzke, ondorengoak esango genituzke:
- Limita los espacios y las expectativas de las mujeres.
- Muestra a las mujeres como seres subordinados de los hombres.
- El cuerpo o una parte del cuerpo de la mujer es comparado con el objeto que se promociona sin que guarden relación alguna.

Publizitate sexistaren adibideak

Ondorengo kartel hauek publizitatean ematen den publizitate sexistaren adibideak dira. Ikus dezakegun bezala, emakumeak objektu hutsak dira. Berdin dio marka, produktua... garrantzitsuena emakumea geroz eta biluziago eta probokatzaile agertzea da.

8. ariketa: Publizitate sexistari begira

Publizitate sexistarik egiten al da gaur egun? Ohikoa da? Erraz igartzen diogu? Klasean ikusitako 15 iragarkiak Emakundek proposatzen dituen publizitate sexista antzemateko irizpideekin erkatu ditugu. Aleatorioki aukeratutako iragarki horietan sexismorik ikusten al da, neutroak dira edota praktika onak bultzatzen dituzte?

Arrazoitu zure erantzuna eta azaldu Emakundek proposatzen dituen irizpideekin bat egiten duzun edo ez, eta zergatik.

Gaur egungo publizitateak estereotipoak maite eta bultzatu egiten ditu. Hauen abantailak informazio ekonomia eta errealitatearen erredukzioa dira. Estereotipoei esker, iragarkian agertzen diren subjektuak ikusi bezain laister hauen inguruko informazioa lortzen dugu. Emakumeek eta gizonek publizitatean jokatzen dituzten rolak beti berdinak dira. Alde batetik, emakume domestikoa (umeen, senarraren edo etxearen zaintzaz arduratzen dena), sublimea (haragizkoa ez dena, irreala), objektua (ikusita izateko dago eta ez subjektu moduan), superwoman-a (langile arrakastatsu eta era berean ama eta etxekoandre bikaina dena) eta agresiboa (gizona menperatzen eta mespretxatzen duena) daukagu. Beste alde batetik, gizon publikoa (gizartean hitz egitera ohituta dagoena, aditua, fidagarria eta babesa ematen duena), objektua ("feminismoaren" biktima dena) eta etxeko-lanak egiten dituen heroia daukagu.

Emakumeen rolei dagokionez, klaseko apunteetan ikusi dezakegun bezala gaur eguneko joera %38,5ean emakumea objektu sexual bezala ateratzea da. Honetaz gain, %17,7an langile moduan ikus dezakegu emakumea eta %8,1n iragarkian agertzen den emakumea mistoa da, hau da, bai langile bai ama da. Datu hauek aztertzen baditugu, hauen artean alde handia dagoela ikus dezakegu. Adibidez, emakumea objektu sexuala eta langilea izatearen artean %20,8ko aldea dago.

Gaur eguneko egoeraren datu hauek ikusita, publizitate sexista egiten dela esan behar dugu. Honetaz gain, eta ehunekoak ikusita, joera hau ohikoa dela aipatu behar da, iragarkien %38,5ean emakumeak objektu sexual bezala agertzen baitira. Dirudienez, gaur egun salatzen diren kanpaina kopurua gorantz doa. Gauzak horrela, ikusleek edo elkarteek publizitate sexistak erraz igartzen dituztela adierazi dezakegu.

Klasean aleatorioki ikusi ditugun 15 iragarkiak (azken biak nik hartutakoak dira) Emakunde elkarteak proposatzen dituen publizitate sexista antzemateko irizpideekin erkatu ditugu. Spot hauek www.anuncios.com web orrialdetik atera ditugu eta ondorengoak dira:

1. GALLINA BLANCA "Rico, riquísimo"
Marka honek egin duen spot honetan ez da sexismorik ikusten. Are gehiago, iragarkiak praktika ona bultzatzen du. Honetan emakume eta gizon bat ikusten ditugu, biak sukaldean daudela. Hauen arteko elkarrizketa atera berri den janariak prestatzeko saltsa baten inguruko da. Estereotipoak alde batera utziz, gizona da momentu horretan amantala daramana eta produktu berri horrekin bazkaria egin duena. Modu honetan, iragarkiak emakume eta gizonen arteko berdintasuna bultzatzen du.

Beraz, spot honetan Emakundek proposatzen duen praktika on bat islatuta ikusten dut: “Aquellas en las que se representa la diversidad y la pluralidad de las mujeres y, los hombre, en su aspecto físico como en sus funciones sociales”.

http://www.anuncios.com/VerPiezas/television/nuevos-anuncios/1034134012501/gallina-blanca.1.html


2. LMN "Beach"
Bigarren iragarki hau neutroa da. Honek ez du emakume edo gizonen irudi zehatz bat ematen. Honetan mutil txiker bat ondartzan freskagarri bat bilatzen ikus dezakegu.

http://www.anuncios.com/VerPiezas/television/nuevos-anuncios/1034431012501/lmn.1.html


3. INTEL "Rock Star y Oops"
Intel-en spot hau baita ere neutroa da. Honetan enpresa baten langile maskulinoak zein femeninoak agertzen dira. Ikusten ditugun kazetariak ere emakumeak zein gizonak dira.

http://www.anuncios.com/VerPiezas/television/nuevos-anuncios/1034418012501/intel.1.html


4. SIMYO "No,no,no"
“Moscas” deitutako spot hau neutroa da. Ikus dezakegun bezala, iragarkian bai emakumeak bai gizonak agertzen dira. Hauek dantza egiten daude. Zenbait momentutan dantzan egiten dauden emakumeen lehen planoak agertzen dira. Hala ere, nire ustez hau ez da publizitate sexista emakumeak bezala mutilak ere agertzen direlako. Beraz, ez da emakumearen irudia gutxiezten.

http://www.anuncios.com/VerPiezas/television/nuevos-anuncios/1034427012501/simyo.1.html


5. EUSKALTEL "Moscas"
Kasu honetan iragarkia neutroa da. Bertan, bi euli ikus ditzazkegu, bata arra eta bestea emea.

http://www.anuncios.com/VerPiezas/television/nuevos-anuncios/1034448012501/euskaltel.1.html


6. EUSKALTEL "Personajes"
Aurreko spot-a bezala, hau ere neutroa da. Iragarkian bikote bat agertzen da, baina hauek ez daude inolako ekintzarik egiten.

http://www.anuncios.com/VerPiezas/television/nuevos-anuncios/1034444012501/euskaltel.1.html


7. ORANGINA "Laughing Hyena"
Oranginaren iragarki hau publizitate sexista da. Honetan, hiru emakume kafetegi batean eserita ikusten ditugu. Hauen albotik beste emakume bat pasatzen ari denean, hau bapatean, erortzen da. Hiru emakumeak, horietatik bat hiena itxura duena, barrezka hasten dira. Gauzak horrela, iragarkia estereotipatua dagoela esan behar da. Emakumeak hienekin konparatuak izaten ari dira eta haien artean bakarrik borroka egiten dakitelaren irudia ematen du.

Modu honetan, publizitatean sexismoa antzemateko Emakundek proposatzen duen hurrengo irizpide hau baliagarria da kasu honetarako: “Anuncios que limitan los espacios y las expectativas de las mujeres”.

http://www.anuncios.com/VerPiezas/television/nuevos-anuncios/1034392012501/orangina.1.html


8. CAJA GRANADA "Bienvenido futuro"
Ikusitako spot-a neutroa da. Honek ez du emakume edo gizonen inguruko irudi bat ematen. Iragarki honen inguruan aipatzekoa da, klasean eta beste ariketa batean ikusi dugun bezala, honetan entzuten dugun over ahotsa maskulinoa dela. Ahots honek sinesgarritasuna ematen dio iragarkiari.

http://www.anuncios.com/VerPiezas/television/nuevos-anuncios/1034341012501/caja-granada.1.html


9. CHANEL "Train"
Chanel markaren iragarkia, aurrekoa bezala, neutroa da. Honetan emakume eta gizon baten arteko amodiozko istorio bat kontatzen digute.

http://www.anuncios.com/VerPiezas/television/nuevos-anuncios/1034335012501/chanel.1.html


10. BANCAJA "Bud Spencer"
Hamargarren spot hau baita ere neutroa da. Bertan, bankuetxeko langile bat ikusten dugu bankuetxearen inguruko egoera posible batetaz hitz egiten. Agertzen den bezeroa gizonezkoa bada ere, hau ospetsu bat da eta gertakariaren inguruan parodia egiten ari da. Iragarkian emakumeak bigarren plano batetan agertzen dira. Hala ere, spot hau ez da diskriminatzailea emakumea gutxiezten ez duelako.

http://www.anuncios.com/VerPiezas/television/nuevos-anuncios/1034336012501/bancaja.1.html


11. CANAL+ "Banquillos"
Tele-kate honen iragarkia praktika txarra dela esango nuke. Spot-ak kate honek emango dituen futbol ligaren azkenengo partiduen inguruan hitz egiten du. Honetan ematen den arazoa emakumea diskriminatzen dela da. Gizonari bakarrik zuzendutako futbola da eta spot-aren bukaeran “sientate y ponte cómodo” entzun dezakegu. Ez al daude emakumerik futbola gustatzen zaiena?

Kasu honetarako Emakunderen hurrengo irizpidea aipatuko nuke: “Anuncios en los que se utiliza el género masculino para referirse a ambos sexos excluyendo e invisibilizando a las mujeres: hombre, hijo, los, chicos, niño, unos...”.

http://www.anuncios.com/VerPiezas/television/nuevos-anuncios/1034244012501/canal.1.html


12. COCA-COLA "Yeah Yeah Yeah,La La La"
Ikusitako spot hau neutroa da. Honetan emakumeak zein gizonak agertzen dira eta ez da hauen inguruko irudi zehatzik ematen.

http://www.anuncios.com/VerPiezas/television/nuevos-anuncios/1034284012501/coca-cola.1.html


13. TRINA "Yo soy aquel"
Trinaren iragarkia neutroa da. Ikus dezakegun bezala, honetan bai mutilak bai neskak agertzen dira eta aurrekoan bezala, ez da hauen irudirik ematen.

http://www.anuncios.com/VerPiezas/television/nuevos-anuncios/1034298012501/trina.1.html


14. EITB "Muertos de risa"

“Muertos de risa” deitutako spot hau neutroa da. Bertan gizonak zein emakumeak ikus ditzazkegu. Beste iragarkietan bezala, honek ez du emakume edo gizonen irudi bat ematen.

http://www.anuncios.com/VerPiezas/television/nuevos-anuncios/1034538012501/etb.1.html


15. ACEITE DE OLIVA ESPAÑOL “Aliña tu vida con aceite de oliva”
Azken iragarki honek praktika onak bultzatzen ditu. Honetan ohiko familia bat ikusten dugu. Emakumea sukaldean agertzen den bezala, gizona ere janaria egiten ikus dezakegu. Hau baita ere seme-alabekin eta erosketekin ikusten dugu. Gauzak horrela, spot honek emakume eta gizonen arteko berdintasuna bultzatzen duela esan behar da.

Beraz, Emakundek proposatzen duen praktika on bat islatuta ikusten dut: “Aquellas en las que se representa la diversidad y la pluralidad de las mujeres y, los hombre, en su aspecto físico como en sus funciones sociales”.

http://www.anuncios.com/VerPiezas/television/nuevos-anuncios/1034240012501/aceite-oliva-espanol.1.html


Aleatorioki aukeratu ditugun hamabost iragarki hauetatik bitan publizitate sexista ikusi izan dut. Beste bi spot-etan praktika onak ikusi ditudan bitartean, gainerakoak (11 iragarki) neutro bezala adierazi ditut. Emaitza hauek ikusita, gaur egun publizitate sexista egiten dela esan behar da. Hala ere, hauek igartzeko momentuan bakoitzak bere irizpideak izango ditu. Beraz, publizitate sexistaren adibidea argia ez bada, biztanleria ados ez egotea gerta daiteke.

Baita ere kontutan izan behar dugu, gaur egun zenbait markek edo instituzioek spot-ak egiteko momentuan aurrera eramaten dituzten praktika onak. Hauetan gizartean etengabe bilatzen den emakumeen eta gizonen arteko berdintasuna ematen da.

Beste aldetik, ez dugu ahaztu behar atera zaizkigun iragarki neutroen kopurua. Gaur egun spot-en aurka ematen ari diren salaketa guzti hauek direla eta, iragarleek nahiago dute seguruago diren kanpainak egitea. Modu honetan, eta hauek gatz gabekoak izan ahal badira ere, iragarleek plazaratutako iragarkiekin seguruago sentituko dira. Honekin batera, klasean ikusi dugun auto-erregulazio organismoa aipatu behar da. Iragarleek organismo honetan iragarkien edo kanpainen inguruko kontsultak egiten dituzte, geroko erreklamazioak edo salaketak ekiditeko asmoz.


Emakundek publizitate sexista antzemateko proposatzen dituen irizpideekin bat egiten dut. Klasean banatutako orrialdean agertzen diren zortzi irizpideetan emakumeek dituzten eskubideak bultzatzen dira. Pauta hauek emakumeen itxarobideak, emakumeak gizonekin batera etxeko zereginak konpartitzea, emakumearen gorputza objektu hutsa izateari uztea... bilatzen dute. Gauzak horrela, irizpide hauek emakume eta gizonen arteko berdintasuna ematea bilatzen dute.

Erakunde honek praktika onak antzemateko proposatzen dituen pautekin ere ados nago. Orrialdean agertzen diren bi irizpide hauetan agertzen den bezala, praktika onak izango dira iragarkietan gizonak eta emakumeak maila berean agertzen direnean. Hauen presentzia mezuetan, irudietan eta off-eko ahotsan emango da. Honengatik, irizpide hauek egokiak iruditzen zaizkit.

Zentsuratutako iragarki batzuk

"Eitb"ri emititzea debekatu zioten iragarkia da hau. Guztiok dakigun bezala, honetan graziarik ez zeukan andaluziar bat agertzen zen. Honek, munduan zehar alaitasuna bilatzen egon ondoren, azkenean Euskal Herrian aurkitzen duela dio spot-ak. Hau debekatzeko, Andaluziako gobernuak spot-a Andaluziarren irudiaren aurka zihoala adierazi zuen. Nire ustez, iragarki honetan ez dago elementu iraingarririk.






Hurrengo bideo honetan, "IKEA" enpresari debekatu dizkioten hiru iragarki ikus ditzazkegu. Lehenengo biak publizitate sexistak dira. Hauetan emakumearen irudia nabarmenki gutxiezten da. Azkenengoan umeen gaineko eskubideak ez dira betetzen. Beraz, debekatze hau ondo iruditzen zait.






Bigarren spot hau "Bocatta"rena da. Kasu honetan, iragarkia nekazarien kontra zihoan. Hauen irudia gutxiezten zuen, maketoak balira eginez. Honekin batera, entzun dezakegun abestia eta over ahotsa ere debekatzekoak dira. Off ahotsak, adibidez, honakoa esaten du: "Quedate solo con lo mejor del campo".






"XboX"eko enpresak egin zuen iragarki hau, baita ere, debekatua izan zen. Hau oso originala bada ere, zenbait elkarteek honen aurka egin zuten biolentzia bultzatzen zuela adieraziz.

7. ariketa: Publizitatearen mugak

Klasean publizitatearen efektu “kolateralez” aritu gara. Hain zuzen efektu sozial extra-publizitario hauek direla eta, publizitatearen gaineko kontrola zorrotza da, batez ere Europari dagokionez. Irakurri ezazu Los límites de la publicidad artikulua eta erantzun hurrengo galderei, klasean komentatutakoa kontuan izanda.


1) Zergatik da kaltegarria iragarki bati egindako salaketa, salaketa horrek funtsik ez duenean ere?

Iragarki baten kontrako salaketa bat, funtsa duena zein funtsik gabekoa dena, beti da kaltegarria iragarlearentzat. Salaketa hauetan iragarkia eteteko edo zuzentzeko eskatzen ohi zaio epaileari. Etete akzio honen barruan, epaileari publizitatea etetzearen eskakizunarekin batera, publizitateak “interes kolektiboak” urratzen dituenean baita ere isuna eskatzen da. Zuzentze akzioan, aldiz, epaileari iragarkian oker dagoen elementua zuzentzea eskatzen zaio. Salaketa egitean eta prozesu guztia ematen den bitartean, iragarki hori hedabideetatik kanpo egongo da.

Bide judizialetik pasa ondoren, epaileak bi motatako epaiak eman ahal ditu. Alde batetik, iragarki hori publizitate ez-zilegia dela esan ahal du. Gauzak horrela, iragarleari iragarkia etetzeko edo aldatzeko eskatuko zaio. Beste alde batetik, iragarkiaren gainean ezarritako salaketa funtsik gabekoa dela eta beraz, publizitate hori zilegia dela esan ahal du epaileak. Egoera hori ematen bada, iragarkiak berriz ere hedabideetan ateratzeko baimena izango du eta iragarleak berme ekonomikoa jasoko du konpentsazio moduan. Hala ere, konpentsazio ekonomiko hau iragarkiaren une bateko eteteak iragarleari suposatu dion diru galera estaltzera ez da iristen.

Ikusten denez, salaketa guztiak kaltegarriak dira. Batetik, salaketa funtsa duenean eta epaileak publizitate ez-zilegia dela adierazten duenean, iragarkia debekatuta egongo da edo berriz ere kaleratua izateko aldaketa batzuk jasan beharko ditu. Beraz, modu batean edo bestean jasango duen debekatze hori kaltegarria izango da iragarlearentzat: debekatuta badago, iragarkian gastatutako diru guztia ez du berreskuratuko eta aldatu behar badu, ustegabeko diru kantitatea gastatu beharko du. Iragarkiak aldatzea suposatuko duen diru gastu honekin batera, kontutan izan behar dugu iragarki hori berriz kaleratzean bere momentuan izango lukeen eragin berdina izan ahal ez duela. Bestetik, funtsik gabeko salaketa denean eta epaileak publizitate zilegia dela esaten duenean, iragarleak iragarkia berriz ere merkaturatzeko baimena izango du. Kasu honetan, salaketa kaltegarria izango da iragarleari baimena hori beranduegi etorriko zaiolako. Publizitatearen mundua oso azkar doa eta horregatik, iragarleek ezin dute salaketa baten emaitzak atera arte publizitatea egiteari utzi. Baita ere, kaltegarria izango da iragarkia momentuan izango lukeen eragin berdina lortzen ez badu.

Salaketak ekar dezakeen kalte ekonomikoa alde batera utziz, ez da ahaztu behar salaketa hauek baita ere marken gainean ematen duten irudi txarra.


2) Publizitatean murrizten dena, beste edukietan onartuta dago, sexua eta biolentzia kasu. Zer dela eta diskriminazio hau? Orokorrean, zergatik da legea zorrotzago publizitatearekin?

Sexua eta biolentzia bezalako gaiak publizitatean erabiltzea debekatuta dago, hauen bidez produktuak saldu nahi izatea onartuta ez dagoelako. Hau da, iragarleek ezin dute gai hauek erabili etekinak ateratzeko. Telebista eta beste medioetako edukietan, aldiz, horrelakoak agertzea onartutak daude. Hala ere, hauek ezin dira haurren ordutegian atera. Honekin batera, esan behar da telebistako serietan, adibidez, sexua agertzen denean honen bidez ez dela etekin ekonomiko zehatz bat bilatzen, baizik eta istorioaren parte bat da.


3) Egileak dioenez, iragartzea debekatuta dagoen hori saldu daiteke. Nola ulertzen duzu paradoxa hau?

Nire ustez, alkohola (20º-tik gorako edariak) edo tabakoa hedabideetan iragartzea debekatuta egotea ondo dago. Hala ere, honen inguruan zenbait puntu aldatuko nituzke. Adingabeak babesteko nahian honelako produktuak hedabideetan jasaten dituzten debekuak bezala, legeak baita ere produktu hauen salmentan zorrotzagoa izan beharko litzateke. Legeak ez du ezer egiten produktu baten iragarkia debekatuz ahu adingabeen eskura baldin badago.


4) Zeintzuk dira auto-erregulazioaren abantailak iragarleentzat?

Iragarleek iragarki edo kanpaina bat plazaratu aurretik, auto-erregulazio organismoari kontsulta egiten ohi diote. Kontsulta hau borondatezkoa da eta ondorengo erreklamazioak ekiditeko gehien erabiltzen den zerbitzua da. Hala ere, auto-erregulazio bideak ez du bide judiziala ixten eta era berean auto-erregulazio organoek ezin dute administrazio eta justizia agintarien erabakien aurka jo.

Beraz, iragarleentzat auto-erregulazioak daukan abantaila iragarkien segurtasuna da. Kontsulta egin ondoren, organismo honek iragarkia edo kanpaina ontzat bezala eman badu, iragarleak honen zilegitasunarekin seguruago egongo da iragarkia hedabideetan jartzeko orduan.


5) Publizitatearen profesioanala (izango) zarenez gero, non kokatzen duzu zeure burua? Protekzionismo osoaren muturrean (publizitate guztia estatuak erregulatuta) edo askatasun osoaren muturrean? Aldatuko zenuke iritziz hiritar sinplearen ikus-puntuan jarrita?

Publizitatearen profesionala izanik, askatasun osoaren muturrean kokatuko nuke nire burua. Publizitatearen arloan egiten ditudan lanengatik etekin ekonomikoak ateratzen ditudala kontutan hartuz, nire lana burutzean inolako trabarik ez aurkitzea gustatuko litzaidake. Beste modu batean esanda, nire kreatibitatea askatasun osoarekin erabiltzea gustatuko litzadake. Askatasun honen barruan eta etekinak lortzeko, dena posible izango litzateke.

Hiritar sinple baten ikuspuntuan jarrita, publizitatearen askatasunaren inguruan izango nukeen iritzia guztiz bestelakoa izango litzateke. Publizitatearen profesionalen askatasun hau mugatuko nuke. Modu honetan, hauek ezingo lukete produktuak saltzeko orduan nahi luketen guztia egin.

6. ariketa: Iragarkien elementuak

Klasean 10 spot aztertu ditugu, bakoitza elementu desberdinetan deskonposatu ostean. Argumentuen natura, umorearen erabilera, musika, ospetsuen erabilera, ahotsak… Bete duzun taulari begira, eta jakinda 10 spot ez dela lagin handia, iragarri daiteke joera nagusirik gaur egungo iragargintzan? Bat egiten al du joera horrek klasean azaldutakoarekin? Zerbaitek deitu du zure atentzioa?
Azaldu eta arrazoitu.

Ezer esan baino lehen, honako hauek dira aztertu ditugun 10 spot-ak:

1. "La bolsa de la suerte"
2. "Ecodesafio Insight" (Autoa)
3. "Massive Attack" (Radical)
4. "Letras" (Tesoro Público)
5. "Tierra de sabor" (Promoción Castilla y León)
6. "Chocolate" (Mercedes-Benz)
7. "Gloria" (Repsol)
8. "Child lock" (Telebista kanal erotikoa)
9. "Concesionario" (Ford)
10. "Una y no más" (Telefonía)


Klasean bete dugun taulari begira, eta aztertu dugun lagin txikia kontutan hartuz, gaur egungo iragargintzan dagoen joera nagusia iragarri dezakegu.

Ikusitako hamar spot-etatik zazpi mistoak dira, hau da, bai alde emotiboa bai alde arrazionala daukate. Klasean ikusi dugun bezala, mistoak hoberenak omen dira iragarkiaren elementu guztien (mezua, marka…) gaineko oroitzapen handiena eskaintzen dutelako. Beraz, gaur egungo iragarkietan argumentu arrazionalak eta emozionalak bat eginez erabiltzen direla esan dezakegu.

Umoreari dagokionez, bakarrik ikusitako 3 spotetan antzeman izan dugu elementu hau. Aztertutako lagin txikia dela eta, ezin daiteke elementu publizitario honen inguruan joera zehatzik aipatu.

Bete dugun taulan ikusten denez, iragarki hauek ez daukate didaktikoa izateko joera, hau da, ez dute erakustaldirik, konparaziorik… erabiltzen. Ikusitako guztietatik bakarrik 2 didaktiko bezala jarri ditugu. Honek esan nahi du, gaur egun spot-ak ez dutela irakasteko joerarik.

Klasean ikusi dugun bezala, gaur egungo iragargintzan musika agertzeko hiru forma desberdin daude: hondo moduan, jingle edo abesti nagusi moduan. Gure kasuan, guk aztertu ditugun hamar spot-etatik zortzin musika agertzen da. Hauetako sei alditan hondoan eta bi alditan abesti nagusi moduan. Ariketa honetan lortu ditugun musikaren inguruko emaitzak bat datoz klaseko apunteekin. Hauetan ikus dezakegun bezala, gaur eguneko iragarkien %70an musika agertzen da era batean edo bestean.

Irakasgaiaren inguruan ditugun apunteetan agertzen den moduan, gaur eguneko iragarkien %10ean ospetsuak agertzen dira. Guk egindako ariketan hamar spot-etatik hirutan ospetsuak ikusi izan ditugu. Hala ere eta aztertu ditugun spot kopuru txikia kontutan hartuz, gaur egungo spot-en %30ean ospetsuak ateratzen direla ezin dugu esan. Beste alde batetik, hiru spot hauetan ikusi izan ditugun famatuak gizonezkoak direla esan behar da. Hauetan bitan kirolari bat agertzen den bitartean, bestean momentuko aktore bat agertzen da. Ikusten denez, spot hauek bat datoz gaur egun famatuen inguruan dagoen joerarekin: gizonezkoak agertzekotan hauek aktoreak eta kirolariak dira.

Kasualitatez, bi iragarkietan agertzen den kirolari famatua berdina da, Dani Pedrosa motorra gidari profesionala. Batean auto marka bat iragartzen ari den bitartean, bestean “Repsol” marka iragartzen du. Gaur egun, zenbait ezagunek kontsumitzailearengan daukaten eragina dela eta, ohikoa izaten da famatu berdina spot desberdinak egiten ikustea. Famatuen erabilpen hau alde onak eta txarrak ditu. Batetik, egokia izan daiteke modan dagoen famatuaren erabilera ikuslearen atsegintasuna izan dezakeelako. Modu honetan, honek indibiduoa pertsuaditzea lortu dezake. Bestetik, badaude zenbait faktore famatuen erabilera hau eraginkorra ez egitea egiten dutenak. Famatuaren irudia produktuarekin bat ez etortzea (Dani Pedrosaren irudia bi kasutan produktuarekin bat dator) edo honek produktuarekiko duen entusiasmoa sinesgarria ez izatea erabilera txarraren adibide dira. Honekin batera ez dugu ahaztu behar, epe labur batean famatu berdinak marka desberdinak iragartzen baditu honen sinesgarritasuna txikiagotzen dela. Produktuarekiko honek daukan sinesgarritasuna txikiagotzen da, ikusleak famatua produktu bat zein bestea iragartzen ikusten duenean honen atzean dauden interes ekonomikoetaz ohartzen delako.




Azkenik, over ahotsaren elementua daukagu. Aztertu ditugun iragarkien artean zazpi spot-etan ahots hau entzun dugu. Aipatzekoa da, guzti hauetan ahots maskulinoa agertzen dela (“Repsol” markaren iragarkian emakumeekin batera). Beraz, gaur egungo iragarkietan dagoen joera gizonezkoen ahotsa jartzea dela esan dezakegu.

5. ariketa: Post-testaren emaitzak (2/2)

Orokorrean zein izan da kanpainaren inpaktu globala?

Gogoratzen da? Markarekin erlazionatzen da? Ulertzen da? Gustagarria da?

Zeintzuk izan dira iragarkiaren puntu indartsuak eta ahulak?

Post-testaren emaitzak ikusita, kanpaina hobetzeko pistaren bat bururatu zaizu?


Post-testa aurrera eramateko metodologia kuantitatiboa erabili dut. Iragarkia zenbatek gogoratzen duen jakin nahi izan dut eta hemendik aterako ditudan emaitzak populazio osorako baliagarriak izango dira. Ariketa egiteko galdera itxiak, irekiak eta mistoak dituen inkesta bat diseinatu dut. Hauek dikotomikoak (erantzuteko bi aukera) zein multikotomikoak (erantzuteko aukera ugari) dira. Galdera hauen artean badaude batzuk iragazkiak/iragazitak direnak. Hauen bidez filtro moduak egin nahi izan ditut, nire elkarrizketatuen zati bat kanporatzeko. Honetaz gain, eskala bat dago. Inkestak 16 galdera dauzka eta azkeneko biak sailkapen galderak dira. Sailkapen-galdera hauekin galdetua izan den indibiduari buruzko informazioa lortu izan dut. Esan bezala, galdera hauek bukaeran egin ditut, inkestatuak intimitate-inbasioa bezala ikus ez dezan. Inkesta 10 pertsonei egin diet eta guzti hauek aurrez-aurre egin ditut.



Inkesta egin diedan 10 pertsonetatik 7k bai gogoratzen zuten. Hauetatik 4k laguntzarik gabe esan zidaten eta beste 3k kanpaina honetako Coca-colaren iragarkiaren bi irudi erakutsi ondoren. Faltatzen diren beste 3k ez zuten kanpaina gogoratzen. Hiru kasutan, ez gogoratze honen zergatia telebista ikusten ez zutela da. Beraz, kanpaina gogoratzen dela esan behar da. Kanpaina ikusi duten 7ek ez dute inolako arazorik izan kanpaina markarekin erlazionatzeko. Honek transmititu nahi zuen mezua (bizitzaren alaitasuna) nahiko ondo ulertu da: kanpaina gogortzen zuten 7etatik 6k mezua modu zuzenean aipatu dute. Geratzen dena modu partzialean esan du. Inkestatuek oso gustoko izan dute kanpaina. 7tik 6ei kanpainak emozionatzera ailegatu diela esan dute.

Coca-colak iragarki honekin ikusleen artean bilatzen zuena lortu du: hauek emozionatzea. Nire ustez, eta inkesten emaitzak ikusiz, iragarkiaren puntu indartsuena hau izan da, hau da, emozionatzen duela. Iragarkian agertzen den sentimenduz betetako istorioa jendearen burmuinean geratu da. Spot honen kontrato puntu ahulak ez ditut ikusi. Agian aipatu behar da, inkestatuek ez dutela iragarkiaren slogana oso ondo gogoratu. Spot-a gogoratzen zuten 7tik bakarrik batek gogoratzen zuen spot-a modu zehatzean. Gainerakoek, era partzialean edo gaizki aipatu zuten.

Post-testaren emaitza hauek ikusita, kanpainaren inpaktu globala oso handia izan dela ondorioztatzen dut. Jendeak iragarkia eta honek transmititu nahi zuen mezua ulertu eta gogoratzen du. Beraz, kanpaina hobetzeko gutxi egin behar dela esan behar da.

5. ariketa: Post-test bat aurrera eraman (1/2)

Gaur planteatzen dugun ariketa nahiko luzea da, baina erraza, gaur eta apirilaren 24a artean garatu beharrekoa.

Klasean aipatu dugu post-test metodologia. Bada garaia zuk zeuk ere post-test bat aurrera eraman dezazun, zu nahi duzun kanpaina batekin. Horretarako gidoi bat daukazu. Hori jarraitzea besterik ez duzu.

Gaur, lehenengo pausoa:

- Kanpaina aukeratu (hemen aukeratu dezakezu kanpaina berrienen artean)

- Targeta aukeratu

- Bariableen definizioa.

Blogean islatuta beharko da lehenengo pauso hau.

Hori eginda, aste santuan zehar post-testaren inkesta erredaktatu beharko duzu, eta praktikara eraman (gutxienez 10 pertsonekin). Inkesta niri pasatu beharko didazu paperean.

Apirilaren 24ean berriz post-testaren emaitzak azaldu beharko dituzu blogean.

Post-test hau egiteko nik aukeratu dudan kanpaina Coca-Colaren "Destapa la felicidad" kanpaina izan da. Hau otsailean martxan jarri zuten kanpaina da.



Kanpaina honi buruz galdetzeko honako targeta aukeratu dut: 20-30 urte bitarteko gazteak, gizonezkoak zein emakumezkoak, ertaineko klasekoak. Xede-talde hau aukeratu dut coca-cola asko kontsumitzen duen xede-taldea delako eta marka honen eta gazteen arteko lotura handia delako. Honetaz gain, kanpaina honek transmititzen duen mezua (bizitzaren alaitasuna) gazteengan eragina izan duen hala ez jakitea interesatzen dit.

Esan bezala, post-test honen helburua Coca-colaren kanpaina nik aukeratutako xede-taldean izan duen eragina kalkulatzea da. Kanpaina honetan marka honek bidaltzen duen mezuak ("Destapa la felicidad"=despata Coca-cola) ez du bakarrik jendea Coca-cola erostea bilatzen baizik eta bizitzaren pisua eta alaitasunez bizitzeko mezua ere transmititu nahi du. Hala ere, beti bezala, azken mezu hau ikusleari lehenengo mezura eramatea bilatzen dute. Horregatik, mezu hori aipatutako xede-taldean gogoratzen den jakin nahi dut.

4. ariketa:eraginkortasuna saritzen

Gaurko klasean Eficacia sariei begira jarri gara. Ikastaroaren hasieran azpimarratu genuen publizitate jaialdi honen berezitasuna: ez du kreatibitatea saritzen, eraginkortasuna baizik. Eta eraginkortasun horren frogak eskatzen ditu saria ematerako orduan. 2008ko irabazle nagusiak, adibidez, hurrengo frogak eskaini zituen saria eskuratzeko.

Agentziak (edo euren elkarteek) antolatzen dituzte normalean kreatibitate jaialdiak. Sariek prestigioa ematen diete agentziei eta baita kreatiboei ere. Autopromoziorako jaialdiak direla esan daiteke, publizitatearen negozioaren barruan notorietatea lortzeari begira egindakoak. Beste aldetik, publiko orokorraren arreta lortzen da jaialdi hauen bitartez, publizitatearen alde espektakularra eta artistikoa azpimarratuz normalean.

Eraginkortasun jaialdi bat bestelako kontu bat da, ordea. Agentziek beharrean, iragarleek beraiek antolatzen dituzte horrelakoak (Eficacia sarien kasuan, Asociación Española de Anunciantes delakoak). Zergatik? Zer bilatzen da? Zertarako balio du? Zein sektoreri egiten dio mesederik handiena?


Hausnartu honen inguruan.

Iragarleek antolatzen dituzten jaialdi hauetan, beren kanpainan aurrera eramandako marketing plana eta lortutako irabaziak aurkezten dituzte. Jaialdi hauekin iragarleek hoberenak direla erakutsi nahi dute. Honekin batera, beren lehiakideekiko daukaten posizioa ikusteko aukera ona dute. Jaialdi hauek iragarleei mesede egiten die, hauen produktu eta irudia goraipatzea bilatzen baitute. Goraipamena bilatzen dute iragarle eraginkorrena zein den bilatzen dutelako eta hori, irabaziekin guztiz lotuta dago. Guzti honengatik, ikusten den moduan, horrelako jaialdiak iragarleei mesede egiten die.

Eta gero…

Eficacia sarien 2008ko irabazleen zerrenda ere kontsultatu dezakezu, eta konparatu 2008ako iragarleen inbertsio ranking-arekin. Zer nolako harremana ikusten duzu publizitate inbertsio eta publizitate eraginkortasunaren artean? Kasu adierazgarriren bat?

Eficacia sarien 2008ko irabazleen zarrenda eta urte bereko iragarleen inbertsio ranking-a konparatzen baditugu, hainbat gauzetaz konturatuko gara.

Ikus dezakegun bezala, eficacia sarietan urrezko trofeoa irabazi duten lau iragarleak ez dira aurretik aipatutako inbertsio ranking honetan agertzen. Zilarrezko trofeoa lortu duten lau iragarleen artean bi ranking honetan agertzen dira. Hauek Coca-cola eta ONCE dira eta ranking-aren 15 eta 14. posizioan agertzen dira, hurrenez-hurren. ING Direct eta Renault dira brontzezko trofeoa irabazi dutenen lau iragarleen artean 2008ko iragarleen inbertsio ranking-an ikus ditzazkegunak. ING Direct 9. postuan dagoen bitartean, Renault publizitatean gehien gastatu duen 7. iragarlea da.

Konparaketak egin ondoren, adierazgarria da urrezko saria jaso duten iragarleek publizitatean gehien gastatu duten lehenengo 20 iragarleen artean ez egotea. HOnekin batera aipatzekoa da, ranking honetan gehien agertzen den sektorea autoarena dela, 20iragarleen artean 6 auto iragarleak dira (Volkswagen, Renault, Ford, Citroen...).

Gauzak horrela, publizitate inbertsio eta publizitate eraginkortasunaren artean harreman handirik ez dagoela ondorioztatzen dut. Eficacia sarietan komunikazio komertzialaren atalean irabazle atera diren 12 iragarleen artean, bakarrik 4 inbertsio ranking-an agertzen dira. Beraz, publizitatean inbertsio handiak egiteak ez du esan nahi inbertsio hauek eraginkorrak izango direla.

Aste honetan ez dago klase presentzialik, baina…

Horixe ba, ostiralean, martxoaren 13an, ez dugu elkar ikusiko, baina zure blogak aktibo jarraitu beharko luke aste honetan ere.

Alde batetik, pasa den astean planteatutako hausnarketa bukatu ez baduzu, orain da momentua. Gogoratu sare sozialei begira jarri ginela marketingaren ikuspuntutik. Web-gune honetan bereziki Facebook-en marketing aplikazioei buruz hitz egiten dute.

Bestetik Facebook esperimentua bukatutzat emango dugu. Astebetez lagunak “biltzen” ibili zara. Kontaketa egiteko momentua ailegatu da. Zenbat lagun lortu dituzu? Nola? Zuzenean, lagunen lagunen bitartez, espontaneoki zugana jo dutelako… Zer nolako aplikazioak erabili dituzu? Profila, taldeak, kausak, marketplace, argazkiak, estekak…

Zure Facebook kontu faltsua itxi dezakezu dagoeneko. (Horretarako settings>deactivate account).

Esperimentuaren nondik norakoez hitz egiteko garaia da. Gure esperientzia honek zenbaiteraino jartzen ditu kolokan sare sozialen inguruko ideiak, hau da, beren indarra dagoeneko elkar ezagutzen duen jendearen arteko loturetan dagoela? Zer nolako zalantza etikoak sortzen dizkizute tresna berri hauek? Posible ikusten duzu interneteko sare sozialetan bakarrik oinarritutako marketing kanpainarik, hau da, medio nagusiagoetan (hots, telebistan) agertu gabe? Horrelakorik ezagutzen duzu?

Astebetez facebook sare sozial famatuan lagunak "biltzen" ibili ondoren, 86 lagun lortu ditut. Esperimentua hasi baino lehen bi gauza erabaki nituen lagun gehiago lortuko nituela pentsatuz. Batetik, erabiltzaile kopuru handiagatik, Madrilen zentratuko nintzen. Beraz, unibertsitate bezala Madrilgo konplutensea jarri nuen. Honetan, 500 erabiltzaile baino gehiago daude. Bestetik, mutilei arreta deituko zitzaiela pentsatuz Vanessa izena jarriko nuen. Honetaz aparte, beste web orrialde batetik hartutako neska polit baten argazkiak jarri nituen (4 argazki). Denok dakigun moduan, emakume itsusi eta lodi batekin ez ditugu ezagutzen ez ditugun lagun asko lortzen, gune hauetan fisikoa oso garrantzitsua baita. Argazki hauek jartzeaz aparte, nire profilan mutilagunik gabeko neska nintzela jarri nuen.

Hau eginda, Vanessaren unibertsitate (Madrilgo Komplutensea) berdinera joaten diren erabiltzaileei eskaerak egiten hasi nintzen. Banekien, ipinitako argazkiak direla eta, onartua izateko aukera gehiago izango nituela mutilekin neskekin baino. Mutilak, normalean, gogo handiz onartzen dituzte horrelako eskaerak. Horregatik, egin nituen eskaera guztietatik (100 inguru) ia gehienak (10 izan ezik) mutilei egin nituen. Eskaera hauetatik baietza eman dutenak kenduta, 3 pertsona ezezagunen eskaerak izan ditut. Eskaera egin duten pertsona hauek nire lagunen lagunak dira.

Argi ikusten denez, esperimentu honek sare sozialen ideia hauek (beren indarra elkar ezagutzen duten jendearen arteko loturetan dagoela) kolokan jartzen ditu, ez baititugu gune hauetan lagun ezagunak izan behar lagun kopuru handia lortzeko. Beraz, sare sozial hauek ez dute balio bakarrik elkar ezagutzen duten pertsonak lotzeko, baizik eta elkar ezagutzen ez duten pertsonak ezagutzeko eta harremanak elkarrekin mantentzeko.

Nire ustez, posible izan daiteke interneteko sare sozial hauetan bakarrik oinarritutako marketing kanpaina bat egitea. Sare sozial hauetan urte, sexu, leku... desberdinetako jendea pilatzen da eta ikusi dugunez, pertsona guzti hauen artean mezuak zabaltzeko erraztasuna agerikoa da.

3. ariketa: Sare sozialen eraginkortasuna

1. zatia: gogoeta

Sare sozialen erabiltzaile zarela jakintzat emanda, gogoeta eskatzen dizut. Marketing ekintza baten parte sentitu izan zara honelako tresna baten bitartez? Hala bada, zein? Ez bada hala, zergatik? Zuk uko egin duzulako edo inoiz aukera hori suertatu ez zaizulako? Burger King-en kasuan bezala, horrelako ekintzen hazkundea aurreikusi daiteke? Edo moda kontua da eta ez da urrunera ailegatuko? Non ikusten duzu sare sozialen abantailarik handiena marketing ikuspuntutik? Eta mugarik argiena?

Ez naiz inoiz sare sozial baten bitartez marketing ekintza baten parte sentitu. Hala ere, egia da, horrelako aukerarik ez zaidala inoiz suertatu. Burger King-en adibide hau ez du zertan ekintza hauen hazkuntza aurreikusten. Nire ustez, moda kontua da.

Marketing ikuspuntutik, sare sozialen abantailarik handiena merkeak direla da. Hauetan kontu bat egitea ez du diruaren aldetik ezer suposatzen, doain baita. Sare sozialen beste erabiltzaile batzuekin kontaktuan jartzea eta mezuak bidaltzea, baita ere, doain da. Hala ere, marketing-a egiteko sare sozial hauek erabiltzen dituzten enpresek kontu handiz ibili behar dira haien produktu eta zerbitzuen inguruko mezuak idatzi eta bidaltzerakoan. Gerta daiteke mezu hauek jasotako erabiltzaileak spam-a dela pentsatzea eta jaramonik ez egitea.

Beraz, sare sozial hauek marketing aldetik erabiltzeko tresna komenigarriak direla esan daiteke doain direlako. Hala ere, kontu handiz ibili behar dira haien benetako intentzioz jendeak ez konturatzeko eta. aldi berean, beren kontuen itxiera ez ikusteko.


2. zatia: esperimentua

Sare sozialak, definizioz, munduko pertsona guztiak konekatuta egon gaitezkeen ideian oinarrituta daude. Zuk lagun bat duzu, eta lagun honek beste lagun batekin konektatzen zaitu, eta hirugarren honek laugarren batekin… bukaera ez duen segida batean. Hala ere, izan daiteke “lehen” lagun horren beharra gabe ere sare birtual bat osatu ahal izatea. Erabiltzaile honek egin duen moduan, Facebook esperimentu bat proposatzera natorkizu. Profil faltsu bat sortuz astebetean zenbat “lagun” lortu ditzakezun probatu beharko duzu. Nola egin?

- Sortu profil faltsua: izena, datuak eta argazkia, zurekin zerikusirik ez dute izango. Benetako email helbide bat behar denez, email berri bat egin dezakezu ere. Profil interesgarri sortzea komeni da, noski.

- Has zaitez lagun eskaerak eginez. Hori egiteko dagoeneko ezagutzen dituzuenengana jo dezakezu (zure benetako identitatea errebelatu gabe, noski), bilatzailean jendea bilatu dezakezu, talde desberdinetako partaideei eskaerak bidali ahal dizkiezu…

- Saia zaitez 100 eskaera egiten.

- Itxaron ezazu astebete, eta datorren ostiralean, honen inguruko hausnarketa bat eskatuko dizut.

- Esperimentua bukatuta, profila borratu dezakezu.

ZORTE ON!

2. ariketa: Eraginkortasuna eta internet

Zure hamabost minutuko bidaia horretan, dudarik gabe, publizitatearekin egin duzu topo. Gogora dezakezu…

a) Ze publizitate formatu topatu duzun? (banner, pop-up, spam…)
b) Ze markarekin egin duzun topo?
c) Mezu/edukiren batek zure atentzioa deitu du?
d) Publizitatearen aurrean men egin al duzu? Hau da, banner batek proposatzen zizuna jarraitu duzu, iragarle baten webgunera ailegatu zara?

Buelta zaitez orain ibili zaren orri edo dena delakoetara. Erreparatu publizitateari. Hor zegoen, ezta?

e) Zure esperientzia hau eta aurrekoak kontuan hartuta, interneteko publizitateaz ze balorazio egiten duzu? Eraginkorra ote da? Asko/gutxi ikusten da? Erakargarria da? Hausnartu honen ingururan beste medioak kontuan hartuta.

Ariketa hau egiteko bisitatu ditudan webguneetan agertzen den publizitateaz ez naiz oso ondo gogoratzen. Guztien artean bakarrik gogoratzen naiz zinemako kartelera (Ábaco Boulevard)ikustean agertzen zen publizitateaz. Honetan kotxe marka baten bannerra agertzen zen baina ez dut marka gogoratzen. Ikusitako banner honi ez diot kasurik egin.

Bisitatutako web orrialdeetara bueltatzean, hauetan dagoen publizitateaz ohartu naiz. Hauetan bannerrak agertzen dira, orrialdeko edozein lekutan (goikaldean, eskuman...).

Ariketa hau egin ondoren eta nire esperientzia kontutan hartuz, interneteko publizitatea eraginkorra ez dela esan dezaket. Ikusi ditudan web orrialde guztietatik bakarrik orrialde baten publizitateaz gogoratu naiz eta erdixka, ez bainaiz publizitatea egin duen marka zehatzaz gogoratzen.

Interneten agertzen den publizitatea, normalean, erakargarria izaten da (kolore biziak, letra handiak...). Hala ere, publizitatearen erabilera masiboa dela eta, interneteko erabiltzaileek ez diote kasu handirik egiten hauei. Kontutan hartu behar da, interneten sartzean erabiltzaileak webgune zehatz batzuk bisitatuko dituela eta ez duela zertan publizitatea jasan behar. Internet-en ez daude telebistan edo irratian dauden etenaldiak (iragarki etenaldiak).

Interneteko zenbait orrialdeetan agertzen den publizitatea asko bada ere(adibidez, "Marca kirol aldizkaria" http://www.marca.com/), hauek askotan orrialdeetako behekaldean egoten dira. Modu honetan, gerta daiteke web orrialde horren erabiltzaileak orrialdeko beheraino ez iristea eta ondorioz, agertzen den publizitateaz ez ohartzea.

Kontutan izan behar dugu, baita ere, jendea publizitatearen inguruan duen iritzia oso ona ez dela eta internet-en agertzen den edukiaz fidatzen ez dela. Beraz, esan dezakegu, jendea interneten agertzen den publizitateaz gutxiago fidatuko dela.

1. ariketa: Aurre-hausnarketa bat

Begira zer dioen Harluxet Hiztegi Entziklopedikoak eraginkortasun hitzari buruz:

iz. 1. Eraginkorra denaren nolakotasuna. 2. EKON. Proiektu baten errentagarritasuna, kostu/irabazi ratioen bidez adierazten dena. 3. ZUZ. Indarrean dagoen lege positiboak arautzen duen arloari egokiro erantzuteko gaitasuna, sarri erabileran eta hiritarren onarpenaz neurtzen dena.

Hiru definizioetatik, zein uste duzu egokitzen dela hobekien Publizitatearen Eraginkortasun kontzeptura?

Iragarki bat “eraginkorra” dela esaten badugu, zer ari gara esaten benetan?

Eta azkenik, gogoan hartu azken bolada honetako kanpaina publizitarioak. Atrebituko zinateke bata edo bestea eraginkorra izan dela esatera? Zein? Eta zergatik?


Nire iritziz, eraginkortasun hitzaren inguruan ikusitako 3 definizioetatik Publizitatearen Eraginkortasun kontzeptura hobekien egokitzen den definizioa bigarrena da.

Jendeak publizitatea egiten du produktu edo zerbitzu jakin baten/batzuen inguruko kontsumoa edo erabilpena handitzeko asmoz. Printzipioz, jarduera hau ordainketa baten truke gauzatuko da eta beraz, iragarleak kostu batzuk izango ditu.

Esan bezala, honen helburua irabaziak lortzea izango da. Irabazi hauek eraginkortasunarekin lotzen ditugu. Iragarle baten irabaziak zenbat eta handiagoak izan, iragarkiak jendearengan orduan eta eraginkortasun handiagoa izango duela esan dezakegu. Beraz, iragarki bat "eraginkorra" dela esaten dugu, iragarki hori jendearengan eragina izan duenean (erosteko eragina).

Ongi Etorri

"Publizitate eraginkortasunaren baliospena" irakasgaiarako egindako blog-a da hau. Irakasleak astero bidaliko dituen ariketak hemen idatziko ditut. Beraz, ongi etorri nire blog-era.